Dövlət Statistika Komitəsi ötən ili mənfəətlə başa vurub

Dövlət Statistika Komitəsi (DSK) 2019-cu ili 5,4 milyon manat mənfəətlə başa vurub. Halbuki qurum 2018-ci ildən 1,5 milyon manat zərərlə çıxmışdı.

"Report" xəbər verir ki, ötən il DSK-nın gəlirləri 19,2 milyon manat təşkil edib ki, bu da əvvəlki ilə nisbətən 2,1 dəfə çoxdur. Bunun 19,2 milyon manatı qeyri-birja əməliyyatlarından, 5 min manatı isə birja əməliyyatlarından əldə olunub.

Hesabat dövründə Komitənin xərcləri isə 13,8 milyon manat olub ki, bu da illik müqayisədə 27,5% çoxdur. Bunun 5,2 milyon manat əmək haqqı və sosial sığorta xərcləri, 2,9 milyon manatı sərf edilmiş materialların dəyəri, 1,1 milyon manatı amortizasiya xərcləri, 4,5 milyon manatı isə sair əməliyyat xərcləridir.