Taleh Kazımov: "Bu il CƏB üzrə qalığın ÜDM-ə nisbəti 23 %-dən çox olacaq"

"Bu ilin sonuna Azərbaycanın cari əməliyyatlar balansı (CƏB) üzrə qalığının ümumi daxili məhsuluna (ÜDM) nisbətinin 23%-i üstələyəcəyi gözlənilir".

“Report” xəbər verir ki, bunu Milli Məclisin bu gün keçirilən plenar iclasında Azərbaycan Mərkəzi Bankının (AMB) sədri Taleh Kazımov deyib.

"Bu ilin 9 ayında ölkənin xarici ticarət balansının saldosu 19,2 milyard ABŞ dolları olub. Təhlillər göstərir ki, bu il tədiyyə balansı baxımından əlverişli şərait olub. Təkcə 6 ayda CƏB üzrə qalıq ÜDM-nin 17,6%-i qədər təşkil edib", - deyə o, qeyd edib.