Si Cinpin Çinin Pekin Fond Birjası yaratmaq niyyətini açıqlayıb

Çin hakimiyyəti Pekində yeni fond birjası açmaq niyyətindədir.

“Report” TASS agentliyinə istinadən xəbər verir ki, bunu Çin rəhbəri Si Cinpin 2021-ci ilin ticarət xidmətlərinin beynəlxalq yarmarkasının gedişində etdiyi videomüraciət zamanı bildirib.

“Biz kiçik və orta müəssisələrin innovasiya inkişafını dəstəkləməyə davam edəcəyik, Pekin Fond Birjasını təsis edəcəyik, həmçinin kiçik və orta innovasiya şirkətlərinə xidmət üçün əsas meydança yaradacağıq”, - o deyib.