Səudiyyə Ərəbistanının suveren fondunun aktivləri 925 milyard dollara çatıb

Səudiyyə Ərəbistanının suveren fondu olan “Public Investment Fund”un (PMIF) ümumi aktivləri 2024-cü ilin iyul ayında 925 milyard dollara çatıb.

“Report” xəbər verir ki, bu barədə təşkilatın saytında dərc olunan maliyyə hesabatında deyilir.

Hesabata görə, ötən il fondun aktivlərinin dəyəri 2022-ci illə müqayisədə 29 % artaraq 765 milyard dollara çatıb. 2023-cü ilin nəticələrinə görə beynəlxalq investisiyaların həcmi 156 milyard dollar təşkil edib ki, bu da əvvəlki ilin göstəricilərindən 14 % çoxdur. Fondun səhmdarlarının orta məcmu gəliri ildə 8,7 % səviyyəsində qeydə alınıb.