Qarabağdakı layihələrdə EBRD-nin iştirakı müzakirə edilib

İqtisadiyyat naziri Mikayıl Cabbarov Avropa Yenidənqurma və İnkişaf Bankının (EBRD) prezidenti Odil Reno-Basso ilə görüşdə işğaldan azad olunmuş ərazilərdə həyata keçirilən layihələrdə bankın potensial iştirak imkanları barədə ətraflı fikir mübadiləsi aparılıb.

"Report" xəbər verir ki, bu barədə nazir özünün "Twitter" hesabında yazıb.

"İşgüzar müzakirələrimizdə energetika, xüsusilə bərpa olunan enerji, KOB-ların dəstəklənməsi, dövlət müəssisələri ilə əməkdaşlıq, biznes mühiti və informasiya texnologiyaları ekosisteminin yaxşılaşdırılması,o cümlədən işğaldan azad olunmuş ərazilərimizdə həyata keçirilən layihələrdə bankın potensial iştirak imkanları barədə ətraflı fikir mübadiləsi apardıq. Perspektivlər əməkdaşlığın dərinləşdirilməsi üçün cəlbedicidir", - M.Cabbarov qeyd edib.