“Petkim”in III rübdə mənfəəti 167 mln. lirə səviyyəsində gözlənilir

Bakı. 24 oktyabr. REPORT.AZ/ Türkiyənin 12 şirkəti əsas payı Azərbaycan Dövlət Neft Şirkətinə (SOCAR) məxsus olan “Petkim Holding”in 2016-cı ilin III rübündə mənfəətinin orta hesabla 167 mln. lirə (TRY) səviyyəsində olduğunu təxmin edir.

“Report” Türkiyə KİV-inə istinadən xəbər verir ki, “Forex”in sorğusuna əsasən, ən yüksək təxmin 215 mln. TRY, ən aşağı isə 108 mln. TRY səviyyəsində olub.

Qeyd edək ki, sorğuda “Deniz Yatırım”, “BGC Partners”, “Ata Yatırım”, “İş Yatırım”, “Ziraat Yatırım”, “Oyak Yatırım”, HSBC, “Global Menkul”, “Ak Yatırım”, “Garanti Yatırım” və “Şeker Yatırım” olmaqla 12 qurum iştirak edib. “Petkim”in III rübün yekunları ilə bağlı hesabatını noyabrın 21-dək açıqlaması gözlənilir.