“Pashapay”in birbaşa təsisçisi açıqlanıb

“Kapital Bank” ASC "Milliön" ödəniş terminallarının və M10 elektron pul qabının sahibi olan “PashaPay” MMC elektron pul təşkilatının birbaşa təsisçisidir.

“Report” bu barədə Bankın yarımillik idarəetmə hesabatına istinadən xəbər verir.

Məlumata görə, kredit təşkilatı ödəniş bazarındakı bu biznesinə 48,704 milyon manat investisiya qoyub. Alqı-satqı əməliyyatı bu il mayın 21-də həyat keçirilib.

Xatırladaq ki, Azərbaycan Mərkəzi Bankı ötən ay “PashaPay”ə elektron pul təşkilatı fəaliyyətini həyata keçirmək hüququ verən müddətsiz lisenziya verib.