Azərbaycan-BƏƏ Hökumətlərarası Komissiyasının növbəti iclasının Şuşada keçirilməsi planlaşdırılır

Azərbaycan və Birləşmiş Ərəb Əmirlikləri (BƏƏ) Hökumətlərarası Komissiyasının IX iclasının Şuşada keçirilməsi planlaşdırılır

"Report"un xəbərinə görə, bunu iqtisadiyyat nazirinin birinci müavini Elnur Əliyev Azərbaycan - Birləşmiş Ərəb Əmirlikləri (BƏƏ) Nazirlərinin Təcrübə Mübadiləsi Forumunda çıxışı zamanı deyib.

O bildirib ki, Azərbaycanla BƏƏ arasında əlaqələr çoxşaxəli və dinamikdir:

"Ölkələrimiz arasında ticarət dövriyyəsi 15 faizdən çox artıb.Dubayda Azərbaycan Ticarət Evi fəaliyyət göstərir. Bu əlaqələrin inkişafında Azərbaycan-BƏƏ hökumətlərarası komissiyasının rolu böyükdür. Hər iki komissiya əlaqələrin inkişafına töhvə verən mühüm platformadır. Komissiyanın növbəti 9-cu iclasını Şuşada keçirməyi planlaşdırırıq".