Naxçıvan iqtisadiyyatı 5 %-ə yaxın böyüyüb

Bu ilin yanvar-iyul aylarında Naxçıvan Muxtar Respublikasında 927,3 milyon manat dəyərində ümumi daxili məhsul (ÜDM) istehsal olunub.

Bu barədə "Report"un yerli bürosuna Naxçıvanın Dövlət Statistika Komitəsindən bildirilib.

Məlumata görə, bu, ötən ilin eyni dövrü ilə müqayisədə 4,8 % çoxdur.

Son 1 ildə muxtar respublikada əhalinin hər nəfərinə düşən ÜDM-in dəyəri isə 4,3 % artaraq 1 967 manat olub.