Maliyyə Monitorinqi Xidməti Ümumi Siyahısını yeniləyib

Nazirlər Kabinetinin 25 iyun 2010-cu il tarixli qərarı ilə təsdiq edilmiş “Terrorçuluğun maliyyələşdirilməsinə qarşı mübarizə çərçivəsində barəsində sanksiya tətbiq edilməli olan şəxslərin Ümumi Siyahısının təsdiq olunması Qaydası”na əsasən, Maliyyə Monitorinqi Xidməti Ümumi Siyahını yeniləyib.

"Report" xəbər verir ki, bu barədə Auditor Palatasının auditorlara müraciətində bildirilir.

"Yanvarın 24-nə qüvvədə olan siyahı ilə tanış olmağınız və auditor xidməti göstərərkən nəzərə almağınız zəruridir. Ümumi Siyahının son versiyası Maliyyə Monitorinqi Xidmətinin internet səhifəsində (http://www.fiu.az/uploads/content/docs/sanctions/years/sanctioned_list_az.pdf) yerləşdirilib", - müraciətdə qeyd olunub.