"İnnovasiyalar Mərkəzi" auditor seçir

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinə məxsus “İnnovasiyalar Mərkəzi” MMC maliyyə hesabatlarının beynəlxalq standartlara uyğun auditi üçün açıq tender elan edib.

“Report” xəbər verir ki, tenderdə iştirak haqqı 100 manatdır.

İddiaçılar ilkin sənədləri yanvarın 15-i, saat 12:00-a qədər, tender təklifi və onun dəyərinin 1%-i qədər bank təminatını isə yanvarın 23-ü, saat 12:00-a qədər şirkətin Bakı şəhəri, Həsən Əliyev küçəsi, 36 ünvanında yerləşən inzibati binasına təqdim edə bilərlər.

Təkliflərə yanvarın 24-də, saat 12:00-da qeyd olunan ünvanda baxılacaq.