Gürcüstan Milli Bankı: Azərbaycan manatı ABŞ dollarına qarşı möhkəmlənib

Ötən ay beynəlxalq valyuta bazarlarında Azərbaycan manatının ABŞ dollarına nisbətdə məzənnəsi demək olar, dəyişməz qalıb.

“Report”un yerli bürosu xəbər verir ki, bu barədə Gürcüstan Milli Bankının aylıq hesabatında bildirilib.

Sənədə əsasən, martda Gürcüstanın milli valyutası olan lari ABŞ dollarına qarşı orta hesabla 0,8% ucuzlaşıb, avroya qarşı isə 0,7% bahalaşıb.

Hesabatda qeyd olunub ki, beynəlxalq valyuta bazarlarında dollar avroya nisbətdə orta hesabla 1,5%, türk lirəsinə münasibətdə 2,8%, erməni dramına qarşı 0,8%, rus rubluna qarşı isə 0,1% möhkəmlənib.