CAREC: "ADB üçün iqlim dəyişikliyi ilə mübarizə əsas prioritetdir"

"Asiya İnkişaf Bankı (ADB) üçün iqlim dəyişikliyi ilə mübarizə əsas prioritetdir".

"Report" xəbər verir ki, bunu Bakıda keçirilən Asiya Regional İqtisadi Əməkdaşlıq Proqramı (CAREC) Beyin Mərkəzlərinin 6-cı İnkişaf Forumunda CAREC İnstitutunun direktoru Şakil Şah bildirib.

"ADB 2019-cu ildən 2030-cu ilə qədər iqlim üzrə maliyyələşdirilmə ambisiyasını 100 milyard ABŞ dollarına çatdırmağı hədəfləyir", - deyə o, qeyd edib.

Bundan başqa, qonağın sözlərinə görə, ADB Mərkəzi və Qərbi Asiya regionunda CAREC və digər təşəbbüslər vasitəsilə üzv ölkələrə, o cümlədən Azərbaycana texniki və maliyyə, potensial, bilik mübadiləsi ilə dəstək olub: "Bu kimi dəstəklər regionlarda iqtisadi inkişafın ekoloji davamlılığını və karbonsuzlaşdırmanı təşviq etməyə kömək edir".

"Bu günki forum regional təcili məsələləri müzakirə etmək üçün çox gözəl, vacib platformadır", - deyə Ş.Şah əlavə edib.