AZPROMO sığortaçı seçib

İqtisadiyyat Nazirliyi yanında İxracın və İnvestisiyaların Təşviqi Agentliyi (AZPROMO) nəqliyyat vasitələrinin tam könüllü (KASKO) sığortası ilə bağlı elan etdiyi açıq tenderə yekun vurub.

"Report" dövlət satınalmalarının vahid internet portalına istinadən xəbər verir ki, tenderin qalibi “Qala Sığorta” ASC-dir.

Şirkətə 5,612 min manat ödəniləcək.

Ötən il bu xidmətləri göstərilməsi üçün AZPROMO Azərbaycan Dövlət Sığorta Kommersiya Şirkəti ilə 4 837 manat dəyərində olan müqavilə imzalayıb.