Azərbaycanın tütün məmulatları istehsalçısı nizamnamə kapitalını artırmaqda davam edir

Sumqayıt Kimya Sənaye Parkında tütün məmulatlarının istehsalı ilə məşğul olan "Tabaterra" QSC nizamnamə kapitalını daha 6 milyon manat artırır. 

"Report" xəbər verir ki, bu məqsədlə dövriyyəyə hər birinin nominal dəyəri 100 manat olan 60 min ədəd səhm buraxılacaq. 

Son nəticədə şirkətin nizamnamə kapitalı 8,3% və yaxud 6 milyon manat artaraq 72,01 milyon manatdan 78,01 milyon manata çatacaq. 

Xatırladaq ki, "Tabaterra" 2017-ci il noyabrın 17-də Parkın rezidenti olub. Bundan 1 il sonra, ötən il noyabrın 16-da isə şirkətin siqaret fabriki istifadəyə verilib.