Azərbaycanın lizinq şirkəti nizamnamə kapitalını kəskin artırır

Azərbaycanda lizinq fəaliyyəti ilə məşğul olan “Legion Financial” ASC "Bakı Fond Birjası" QSC-də (BFB) 1,3 milyon manat dəyərində səhm yerləşdirməyə hazırlaşır.

"Report" bu barədə qiymətli kağızların emissiya prospektinə istinadən xəbər verir.

Sənədə əsasən, söhbət hər birinin nominal dəyəri 100 manat olan 13 000 ədəd adi, adlı, sənədsiz səhmdən gedir. Prosesin anderrayteri “Assist Finance İnvestisiya Şirkəti” ASC-dir. Qiymətli kağızlar tam yerləşdirilsə, şirkətin nizamnamə kapitalı 55,6 % artaraq 2,34 milyon manatdan 3,64 milyon manata çatacaq.

Xatırladaq ki, "Legion Financial" 2020-ci ildə yaradılıb. Şirkətin səhmlərinin 59,62 %-i Turan İsmayılova, 23,93 %-i Rahim Süleymanlıya, 10,68 %-I isə Rövşən Soltanova məxsusdur.