Azərbaycanın bank sektorunun xalis mənfəəti 54 %-dən çox artıb

Azərbaycanın bank sektoru bu ilin yanvar ayında 90,3 milyon manat xalis mənfəət əldə edib.

“Report” Azərbaycan Mərkəzi Bankına istinadən xəbər verir ki, bu, 2022-ci ilin eyni dövrü ilə müqayisədə 54,1 % çoxdur.

Ötən ay bankların əməliyyat gəlirləri 358,2 milyon manat (əvvəlki ilin eyni dövrünə nisbətən 35,8 % çox), əməliyyat xərcləri 217,9 milyon manat (28,4 % çox), xüsusi ehtiyatlara ayırmaları 27,3 milyon manat (28,2 % çox), digər xərcləri 0,1 milyon manat (əvvəlki il olmayıb), mənfəət vergisi ödəmələri isə 22,7 milyon manat (62,1 % çox) təşkil edib.

Azərbaycanda 25 bank fəaliyyət göstərir.