Azərbaycanda restrukturizasiya olunmuş kreditlər 1 milyard manatı üstələyib

2024-cü ildə Azərbaycanda restrukturizasiya olunmuş kredit portfeli 34 % (282 milyon manat) artaraq 1,1 milyard manata çatıb.

“Report” xəbər verir ki, bu barədə Azərbaycan Mərkəzi Bankının (AMB) “Maliyyə Sabitliyi hesabatı"nda bildirilir.

Sənədə əsasən, artım əsasən biznes portfeli üzrə (273 milyon manat) məhdud sayda borcalan üzrə olub.

Hesabat dövründə restrukturizasiya olunmuş kreditlərin ümumi portfeldəki payı 0,4 faiz bəndi artaraq 4 %-ə çatıb.

Restrukturizasiya portfeli üzrə artım müşahidə edilsə də, bu sistemik xarakter daşımayıb.