Azərbaycanda geniş pul kütləsinin həcmi illik 13%-dən çox artıb

Bu il mayın 1-nə Azərbaycanda geniş pul kütləsinin həcmi 29 milyard 753,9 milyon manat təşkil edib.

"Report"un Azərbaycan Mərkəzi Bankına (AMB) istinadən verdiyi xəbərə görə, bu, aprelin 1-i ilə müqayisədə 1,6%, ilin əvvəli ilə müqayisədə 1,9%, ötən il mayın 1-nə nisbətən isə 13,2% çoxdur.

Aprelin sonuna manatla geniş pul kütləsinin həcmi 20 milyard 889,3 milyon manat təşkil edib. Bu isə aylıq müqayisədə 2,8%, ilin əvvəli ilə müqayisədə 2,9%, ötən ilin aprelin sonuna nisbətən isə 26,7% çoxdur.