Azərbaycanda geniş mənada pul kütləsi cüzi azalıb

Bu ilin avqustun 1-nə Azərbaycanda geniş mənada pul kütləsinin həcmi 38 milyard 257,4 milyon manat təşkil edib.

"Report"un Azərbaycan Mərkəzi Bankına istinadən verdiyi xəbərə görə, geniş mənada pul kütləsinin həcmi bu ilin iyulun 1-i ilə müqayisədə 0,09 % az, ilin əvvəlinə nisbətən 10,4 %, illik müqayisədə isə 21,4 % artıb.

Manatla geniş mənada pul kütləsinin həcmi iyulun sonuna 26 milyard 265,9 milyon manat təşkil edib. Bu, iyunun sonuna olan analoji göstəricidən 0,4%, ilin əvvəli ilə müqayisədə 10 %, illik müqayisədə isə 20,3 % çoxdur.