Azərbaycan manatının nominal effektiv məzənnəsi mayda artıb

Bu ilin iyun ayının 1-nə Azərbaycan manatının xarici valyutalara nisbətən nominal effektiv məzənnəsi 91,6 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 0,4 bənd, ilin əvvəlinə nisbətən 6,2 bənd, ötən ilin eyni dövrü ilə müqayisədə 14,8 bənd çoxdur.

Bu ilin may ayının sonuna manatın real effektiv məzənnəsi isə 115,8 bənd təşkil edib. Bu isə aylıq müqayisədə 0,1 bənd az, ilin əvvəlinə nisbətən 2,2 bənd, illik müqayisədə isə 13,4 bənd çoxdur.