“Azərbaycan Dəmir Yolları” investisiya qiymətli kağızları əldə edib

“Azərbaycan Dəmir Yolları” QSC (ADY) 2023-cü ildə 58,092 milyon manat dəyərində investisiya qiymətli kağızları əldə edib.

“Report” bu barədə səhmdar cəmiyyətinin maliyyə hesabatına istinadən xəbər verir.

Sənədə əsasən, ADY-nin investisiya qiymətli kağızlarına yatırımları onun aktivlərinin 1 %-ni təşkil edib.

Xatırladaq ki, ADY ölkə Prezidentinin 20 iyul 2009-cu il tarixli sərəncamı ilə yaradılıb. Nazirlər Kabinetinin 15 fevral 2010-cu il tarixli qərarı ilə qurumun nizamnaməsi və strukturu təsdiq edilib. Onun nizamnamə kapitalı 906,062 milyon manatdır. Səhmdar cəmiyyəti 100 % dövlətə məxsusdur.