Azərbaycanda gələn il yaşayış minimumu və ehtiyac meyarı 314 manat olacaq

Milli Məclis
  • 28 oktyabr, 2026
  • 13:43
Azərbaycanda gələn il yaşayış minimumu və ehtiyac meyarı 314 manat olacaq

2027-ci ildə Azərbaycanda yaşayış minimumu və ehtiyac meyarının 314 manat olması nəzərdə tutulur.

Bu barədə "Report"a Milli Məclisin Əmək və sosial siyasət komitəsinin sədri Musa Quliyev məlumat verib.

Onun sözlərinə görə, bu, 2026-ci illə müqayisədə 14 manat və yaxud 4,7 % çoxdur.

O cümlədən, yaşayış minimumu əmək qabiliyyətli əhali üçün 334 manat, pensiyaçılar üçün 258 manat, uşaqlar üçün 274 manat olacaq.

"Artıq dörd ildir ki, ehtiyac meyarı yaşayış minimumu ilə eyni səviyyəyə gətirilib və bu tendensiya davam etməkdədir. Bu, müsbət göstəricidir", - deyə deputat əlavə edib.