Azərbaycan banklarının xalis xarici aktivləri azalıb

Bu il oktyabrın 1-nə Azərbaycan banklarının xalis xarici aktivləri 20 milyard 621,8 milyon manat təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 2,4 %, ilin əvvəlinə nisbətən 17,6 %, ötən il oktyabrın 1-i ilə müqayisədə isə 7,4 % azdır.

Bu il sentyabrın sonuna bankların xalis daxili aktivləri isə 21 milyard 402,3 milyon manat təşkil edib ki, bu da aylıq müqayisədə 7,1 % çox, ilin əvvəlinə nisbətən 20,3 % çox, illik müqayisədə isə 19,7 % çoxdur.

Azərbaycanda 23 bank fəaliyyət göstərir.