Azərbaycan banklarının xalis xarici aktivləri 9 % azalıb

Bu il noyabrın 1-nə Azərbaycan banklarının xalis xarici aktivləri 22 milyard 371,9 milyon manat təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 8,5 % çox, ilin əvvəlinə nisbətən 10,6 %, ötən il noyabrın 1-i ilə müqayisədə isə 9,3 % azdır.

Bu il oktyabrın sonuna bankların xalis daxili aktivləri isə 20 milyard 522,3 milyon manat təşkil edib ki, bu da aylıq müqayisədə 4,1 % az, ilin əvvəlinə nisbətən 15,3 % çox, illik müqayisədə isə 24,2 % çoxdur.

Azərbaycanda 23 bank fəaliyyət göstərir.