Azərbaycan bankı səhmdarlarına dividend ödəyəcək

Martın 14-də, saat 11:00-da “Kapital Bank” ASC-nin səhmdarlarının növbəti ümumi yığıncağı keçiriləcək.

“Report" xəbər verir ki, yığıncaq Bankın Bakı şəhəri, Səbail rayonu, Badamdar qəsəbəsi, Mikayıl Müşfiq küçəsi, 2E ünvanındakı inzibati binasında olacaq.

Yığıncağın gündəliyinə “Kapital Bank”ın 2021-ci ilin yekunlarına dair maliyyə hesabatlarının təsdiq olunması, səhmdarlara dividend ödənilməsi, Bankın Müşahidə Şurasının sədri Cəlal Qasımovun, üzvləri Kəmalə Nuriyeva, Oqtay Həsənov və Rauf Hacıyevin yenidən vəzifələrinə seçilməsi, kredit təşkilatının Nizamnaməsinin, Müşahidə Şurasının və yığıncağın Əsasnamələrinin yeni redaksiyada təsdiq edilməsi, eləcə də digər məsələlər daxildir.