​"Amrahbank" yeni istiqraz emissiyasına hazırlaşır

Bakı. 21 dekabr. REPORT.AZ/ Qiymətli Kağızlar üzrə Dövlət Komitəsi (QKDK) tərəfindən "Amrahbank" ASC-nin istiqraz emissiyasının prospekti dövlət qeydiyyatına alınıb. Bu barədə "Report"a Komitənin mətbuat xidmətindən məlumat verilib.

Məlumata görə, kütləvi təklif üsulu ilə Bakı Fond Birjasında yerləşdiriləcək istiqrazların hər birinin nominal dəyəri 100 ABŞ dollarıdır.

Ümumilikdə 100 min ədəd olan faizli təmin edilməmiş istiqrazlar AZ2001005167 qeydiyyat nömrəsi ilə dövlət qeydiyyatına alınıb, emissiyanın ümumi həcmi isə 10 mln. dollar təşkil edir.