AMB: "Yaşıl maliyyələşmə" ilə bağlı müəyyən stimullar yaratmalıyıq

Azərbaycan Mərkəzi Bankı (AMB) tənzimləyici qurum olaraq "yaşıl maliyyələşmə" ilə bağlı maliyyə sektoru üçün müəyyən stimullar yaratmalıdır.

"Report" xəbər verir ki, bunu AMB-nin baş direktoru Şahin Mahmudzadə Azərbaycanda Amerika Ticarət Palatasının ("AmCham Azərbaycan") təşkilatçılığı ilə Bakıda keçirilən "Yaşıl maliyyə" konfransında bildirib.

"Biz "Yaşıl gündəm"ə uyğun hərəkət etməliyik. Bizdə potensialın gücləndirilməsi ilə bağlı təlimlərə ehtiyac var. Bu təlimlər həm nəzarətçilərimiz, həm də bazar iştirakçıları üçün olmalıdır. Ümumilikdə "yaşıl maliyyə" məhsullarının monitorinqi aparılmalı və digər işlər görülməlidir", - deyə o qeyd edib.