ABŞ iqtisadiyyatı ötən il 3,5% kiçilib

2020-ci ildə ABŞ-da koronavirus (COVID-19) pandemiyasının təsiri ilə ümumi daxili məhsul (ÜDM) istehsalının dəyəri 2019-cu illə müqayisədə 3,5% az olub.

“Report” xarici mətbuata istinadən xəbər verir ki, bu barədə ABŞ-ın Ticarət Nazirliyinin hesabatında bildirilir.

Sənədə əsasən, ölkə iqtisadiyyatı sonuncu dəfə bu qədər azalma tempini 75 il bundan əvvəl nümayiş etdirib.

Ötən il ABŞ iqtisadiyyatı I rübdə 5%, II rübdə isə 31,4% kiçilib, III və IV rübdə isə müvafiq olaraq 33,4% və 4% böyüyüb.