"Sabah" üç basketbolçu ilə müqavilənin müddətini uzadıb

"Sabah" klubu üç basketbolçusu ilə müqavilənin müddətini uzadıb.

"Report" xəbər verir ki, bu barədə paytaxt təmsilçisinin mətbuat xidməti məlumat yayıb.

Endər Poladxanlı, Şirzad Şirzadov və Əlikamran Məmmədov 2024/2025 mövsümündə də komandanın uğurları üçün çalışacaq.

Qeyd edək ki, "Sabah" başa çatan mövsümdə Azərbaycan Basketbol Liqasının qalibi olub.