Qəbələdəki beynəlxalq basketbol turnirində ilk günə yekun vurulub 

3x3 basketbol üzrə Dünya Qadın Seriyasında Qəbələ mərhələsində ilk günə yekun vurulub.

“Report” xəbər verir ki, A qrupunda yer alan və keçirdiyi üç görüşdən birində qələbə qazanıb, ikisində məğlub olan Azərbaycan millisi 1/4 finala yüksəlib.

Komandamızın bu mərhələdəki rəqibi B qrupunun ikincisi “Barselona Panthers” olacaq.

Yığmamızla eyni qrupda yer alan digər təmsilçimiz “Baku Flames” klubu isə hər üç görüşdə uduzaraq turnirlə vidalaşıb.

1/4 final mərhələsinin digər cütündə “Warsaw Lotto” klubu İtaliya yığması ilə münasibətlərinə aydınlıq gətirəcək.

Qeyd edək ki, Portuqaliya və Polşa milliləri yer aldıqları qrupları birinci pillədə başa vuraraq birbaşa yarımfinala yüksəliblər. Azərbaycan – “Barselona Panthers” görüşünün qalibi Portuqaliyanın rəqibi olacaq. “Warsaw Lotto” - İtaliya matçında qələbə qazanan kollektiv isə Polşa ilə üz-üzə gələcək.