NBA klubunun oyunçusu rekorda imza atıb

Milli Basketbol Assosiasiyasında (NBA) çıxış edən "Qolden Steyt” klubunun basketbolçusu Stefen Karri müntəzəm çempionatda “Los-Anceles Leykers”lə matçda rekorda imza atıb.

“Report” xarici KİV-ə istinadən xəbər verir ki, 36 yaşlı basketbolçu Milad günü keçirilən oyun ərzində əldə etdiyi 38 xaldan 17-ni dördüncü hissədə toplayıb.

Bu, Milad günündə baş tutan matçların dördüncü hissəsində toplanılan xalların sayına görə rekorddur.

S.Karri cari mövsüm Kaliforniya klubunun heyətində 24 matç keçirib. O, hər oyunda orta hesabla 22,5 xal toplayıb, 4,8 ribaund, 6,5 ötürmə edib və 1,2 dəfə top ələ keçirib.

Qeyd edək ki, “Qolden Steyt” rəqibinə 113:115 hesabı ilə məğlub olub. Keçirdiyi matçların 51,7 faizində qələbə qazanan komanda hazırda turnir cədvəlinin dördüncü pilləsində qərarlaşıb.