NBA çempionu marixuanaya görə saxlanıldı

Milli Basketbol Assosiasiyasında (NBA) çıxış edən "Los-Anceles Leykers"in müdafiəçisi Aleks Karuso saxlanılıb.

"Report" ESPN-ə istinadən xəbər verir ki, 27 yaşlı oyunçunun çantasında marixuana aşkarlanıb.

Karuso Texasdakı hava limanında təyyarəyə minməyə çalışarkən, yerli polis əməkdaşları onun çantalarına baxış keçirib. Nəticədə 56 qram narkotik vasitə tapılıb.

Qeyd edək ki, Aleks Karuso 2017-ci ildən "Los-Anceles Leykers"də oynayır. O, 2019/2020 mövsümündə NBA çempionu olub.