"Murov" və "Xarı bülbül" yarımfinal mərhələsinə qələbə ilə başlayıb

Kişi voleybolçular arasında Azərbaycan Yüksək Liqasında yarımfinal mərhələsinə start verilib.

"Report"un məlumatına görə, bu raundun ilk oyunlarında "Murov" MOİK-lə, "Xarı bülbül" komandası isə ilə "Neftçi"qarşılaşıb.

Voleybol Mərkəzində təşkil olunan hər iki görüşdə nominal meydan sahibləri qələbə qazanıblar. "Murov" rəqibini 3:0 (25:20, 25:18, 25:14), "Xarı bülbül" isə 3:1 (25:22, 25:17, 21:25, 25:19) hesabı ilə məğlub edib.

Qeyd edək ki, yarımfinal mərhələsi iki, final isə üç qələbəyə kimi oynanılacaq.