"Los Anceles Leykers" Lebron Ceymsə 162 milyon dollarlıq yeni müqavilə təklif etməyə hazırlaşır

ABŞ-nin "Los Anceles Leykers" klubu ulduz basketbolçu Lebron Ceymsə 162 milyon dollarlıq yeni müqavilə təklif etməyə hazırlaşır.

"Report" "Mundo Deportivo"ya istinadən xəbər verir ki, müqavilə 3 il müddətinə nəzərdə tutulub.

39 yaşlı amerikalı basketbolçunun klubla hazırkı müqaviləsinin müddəti bu yay başa çatacaq. Basketbolçu hələ ki, gələcəyi ilə bağlı qəti cavab verməyib.

Klub həmçinin onun oğlu ilə eyni matçda oynamaq arzusunu həyata keçirmək üçün layihədə Bronni Ceymsin də xidmətindən yararlanmağa hazırdır.

Qeyd edək ki, L.Ceyms 2018-ci ildən "Los Anceles Leykers"in formasını geyinir.