Kanada klubunun futbolçusu yenidən İtaliya A Seriyasında çıxış edə bilər

Kanadanın "Toronto" klubunun futbolçusu Lorentso İnsinye yenidən İtaliya A Seriyasında çıxış edə bilər.

"Report" xarici mətbuata istinadən xəbər verir ki, 33 yaşlı vinger "Monts"a klubuna təklif olunub.

Hazırda tərəflər arasında danışıqlar gedir.

Qeyd edək ki, "Napoli"nin yetirməsi olan Lorentso İnsinye 2010-2022-ci illərdə əsas komandada çıxış edib və iki dəfə ölkə kubokuna sahib çıxıb. O, həmçinin 2021-ci ildə İtaliya millisinin heyətində Avropa çempionu olub.