Dünya Qadın Seriyası: "Neftçi" məğlub olmadan yarımfinala yüksəlib

"Neftçi" 3x3 basketbol üzrə Dünya Qadın Seriyasının İsraildə keçirilən Netanya mərhələsində yarımfinala yüksəlib.

"Report"un məlumatına görə, Azərbaycan təmsilçisi B qrupundakı sonuncu oyununda Litva millisinə 20:14 hesabı ilə qalib gəlib.

Komanda qrup lideri kimi yarımfinala vəsiqə qazanıb.

"Neftçi" yarımfinal qarşılaşmasını iyulun 3-də Bakı vaxtı ilə saat 23:15 -də keçirəcək.