“Neftçi” 4-cü dəfə Dünya Qadın Seriyasının mərhələ qalibi olub - YENİLƏNİB-2

“Neftçi” klubu Macarıstanda təşkil olunan 3x3 basketbolu üzrə Dünya Qadın Seriyasının Debretsen mərhələsinin qalibi olub.

“Report”un məlumatına görə, Azərbaycan komandası 4-cü dəfə buna nail olub.

Bakı klubu finalda Almaniyanın “Düsseldorf Zoos” klubuna 21:10 hesabı ilə qalib gəlib.

Debretsen mərhələsinin ən dəyərli oyunçusu (MVP) “Neftçi”nin üzvü Bryana Freyzer seçilib.

“Neftçi” klubu Macarıstanda təşkil olunan 3x3 basketbolu üzrə Dünya Qadın Seriyasının Debretsen mərhələsində finala yüksəlib.

“Report”un məlumatına görə, Azərbaycan komandası yarımfinalda Macarıstan millisinə qalib gəlib.

Üstün oyun sərgiləyən Bakı klubu rəqibini 22:14 hesabı ilə məğlub edib. “Neftçi”nin finaldakı rəqibi Almaniyanın “Düsseldorf Zoos” klubu olacaq. Qarşılaşma Bakı vaxtı ilə 23:25-də başlayacaq.

Qeyd edək ki, “Neftçi” 1/4 finalda Macarıstanın “Qyor” klubundan güclü olub.

"Neftçi" klubu Macarıstanda təşkil olunan 3x3 basketbolu üzrə Dünya Qadın Seriyasının Debretsen mərhələsində yarımfinala yüksəlib.

"Report" xəbər verir ki, təmsilçimiz 1/4 finalda Macarıstanın "Qyor" klubu ilə üz-üzə gəlib.

Bakı klubu əlavə vaxta gedən gərgin oyunun yekununda rəqibini 20:18 hesabı ilə məğlub edib. "Neftçi"nin yarımfinalda rəqibi Macarıstan və Avstriya milliləri arasında keçiriləcək matçda müəyyənləşəcək.