Azərbaycan təmsilçisi Çağırış Kubokunda 1/16 finala yüksəlib

Kişi voleybolçulardan ibarət "Murov" klubu Çağırış Kubokunda 1/16 final mərhələsinə yüksəlib.

"Report"un məlumatına görə, Fərid Cəlalovun baş məşqçi olduğu komanda 1/32 finalın cavab oyununda Xorvatiyanın "Kitro Varazdin" kollektivi ilə üz-üzə gəlib.

Dərnəgül Voleybol Mərkəzindəki qarşılaşma Azərbaycan təmsilçisinin 3:1 (23:25; 25:18; 25:20; 25:17) hesablı qələbəsi ilə bitib.

İlk görüşdə "Murov" 3:0 (25:19, 25:18, 25:20) hesabı ilə qalib gəlmişdi.

Növbəti raundda rəqib Avstriya "UVC Graz"ı olacaq.