Azərbaycan Basketbol Liqası: “Sabah” bağlanış oyununda asan qələbə qazanıb

“Sabah” Azərbaycan Basketbol Liqasının IV turunun bağlanış oyununda asan qələbə qazanıb.

“Report”un məlumatına görə, son çempion “Sərhədçi”ni üstələyib.

Sumqayıt Olimpiya İdman Kompleksində baş tutan görüşdə “Sabah” rəqibini 112:89 hesabı ilə məğlub edib.

Ən məhsuldar basketbolçular “Sabah”da Kivon Devenport (28 xal, 8 ribaund), “Sərhədçi”də isə Cekson Rid (22 xal, 7 assist) olublar.

Qeyd edək ki, V turun oyunları (“Sərhədçi” – “Gəncə”, “Xırdalan” – "NTD-İndiqo", “Cəlilabad” – “Sumqayıt”, “Neftçi” – “Sabah”, “Şəki” – “Xəzri”) 23-26 noyabr tarixlərində baş tutacaq.