"Abşeron"un voleybolçusu mövsümü gümüş medalla bitirmələrinə münasibət bildirib

"Abşeron"un qadın voleybolçulardan ibarət komandasının üzvü Ecem Aknam mövsümü gümüş medalla bitirmələrinə münasibət bildirib.

"Report"un məlumatına görə, voleybolçu mükafatlandırma mərasimindən sonra jurnalistlərə açıqlama verib.

O, çempionluğu əldən verdiklərinə görə məyus olduğunu deyib:

"Çox üzgünəm. Mövsüm boyunca lider idik. Finalın ilk matçında 3:0 hesablı qələbə qazanmışdıq. Bu oyunda 2 set udsaydıq, yetərli olacaqdı. Alınmadı, "Azərreyl"i təbrik edirəm. Çox yaxşı oynadılar. Bizim üçün maraqlı mövsüm keçdi".

Qeyd edək ki "Abşeron" ikinci final matçında "Azərreyl"ə "qızıl set"də məğlub olaraq gümüş medalla kifayətlənib.