3x3 basketbol üzrə Azərbaycan milliləri Avropa Kubokunda mübarizəyə başlayır

3x3 basketbol üzrə Azərbaycan milli komandaları Kosovonun paytaxtı Priştina təşkil olunan Avropa Kubokunun seçmə mərhələsində bu gün mübarizəyə start verəcəklər.

"Report"un məlumatına görə, kişilərdən ibarət kollektiv B qrupunda iki oyun keçirəcək. Yığma Bakı vaxtı ilə saat 21:45-də Malta ilə, 23:35-də meydan sahibləri ilə üz-üzə gələcək.

Qadınlardan ibarət komanda isə B qrupunda Kosovo ilə münasibətlərə aydınlıq gətirəcək. Bu qarşılaşma saat 23:10-da başlayacaq.

Qeyd edək ki, yalnız təsnifat mərhələsinin qalibləri 5-7 sentyabr aralığında Danimarkada baş tutacaq Avropa Kubokunun əsas mərhələsində iştirak etmək hüququ qazanacaqlar.