Yusif Abdullayev: “Şimal-Cənub” dəhlizi Rusiya ilə Azərbaycan arasında ticarət dövriyyəsini genişləndirə bilər"

"Şimal-Cənub" beynəlxalq nəqliyyat dəhlizi Rusiya ilə Azərbaycan arasında tranzit daşımaların və ticarət dövriyyəsinin genişləndirilməsi baxımından mühüm əhəmiyyət kəsb edir.

“Report”un Rusiya bürosunun məlumatına görə, bunu Azərbaycanda İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Sankt-Peterburqda keçirilən Beynəlxalq İqtisadi Forumu çərçivəsində Rusiya ilə Azərbaycan arasında iqtisadi əlaqələrin perspektivlərinə həsr olunmuş sessiyada deyib.

O qeyd edib ki, Azərbaycanda 1 900 Rusiya şirkəti qeydiyyatdan keçib, onlardan 1 300-ü aktiv fəaliyyət göstərir: “Elə bir sahə yoxdur ki, biz əməkdaşlıq etməyək”.