TRACECA-nın Azərbaycan hissəsində yükdaşımalar artıb

Ötən ildə Avropa-Qafqaz-Asiya nəqliyyat dəhlizinin (TRACECA) Azərbaycan hissəsində daşınmış yüklərin həcmi 39 milyon 627,4 min ton, yük dövriyyəsi isə 9 milyard 591,5 milyon ton/km olmuş, 2020-ci illə müqayisədə müvafiq olaraq 3 % və 3,6 % artıb.

Bu barədə "Report" Dövlət Statistika Komitəsinə istinadən xəbər verir.

Məlumata görə, yüklərin 21 milyon 606,6 min tonu və ya 54,5 %-i avtomobil nəqliyyatı, 13 milyon 462,8 min tonu və ya 34 % -i dəmir yolu nəqliyyatı, 4 milyon 558 min tonu və ya 11,5 %-i dəniz nəqliyyatı ilə daşınılır.

Dəhliz vasitəsilə daşınmış yüklərin 22,3 %-ini və ya 8 milyon 826,3 min tonunu tranzit yüklər təşkil edib.