TRACECA-nın Azərbaycan hissəsində yükdaşıma artıb

2021-ci ilin yanvar-sentyabr aylarında Avropa-Qafqaz-Asiya (TRACECA) nəqliyyat dəhlizinin Azərbaycan hissəsində daşınmış yüklərin həcmi 30 milyon 403 min ton, yük dövriyyəsi isə 7 milyard 177,5 milyon ton/km olub.

“Report” bu barədə məlumatı Dövlət Statistika Komitəsinə istinadən xəbər verir. Bu, ötən ilin eyni dövrü ilə müqayisədə müvafiq olaraq 1,8 % və 2,9 % çoxdur.

Məlumata görə, yüklərin 17 milyon 037,2 min tonu və ya 56 %-i avtomobil nəqliyyatı, 9 milyon 930,3 min tonu və ya 32,7 %-i dəmir yolu nəqliyyatı, 3 milyon 435,5 min tonu və ya 11,3 %-i dəniz nəqliyyatı ilə daşınıb.

Dəhliz vasitəsilə daşınmış yüklərin 21,9 %-i və ya 6 milyon 654,1 min tonunu tranzit yüklər təşkil edib.