Naxçıvanın bəzi ərazilərində içməli su olmayacaq

Naxçıvan şəhərinin bəzi yerlərində içməli suyun verilişində fasilə yaranacaq.

"Report"un yerli bürosunun məlumatına görə, Naxçıvan şəhərinin Nəcməddin Naxçıvani küçəsi, Babək, Əlincə məhəllələri, Qaraxanbəyli, Qaraçuq və Bulqan kəndləri, Səməd Vurğun, Həsən Rəhmanov küçələri və bir sıra əraziləri içməli su ilə təmin edən magistral xətdə baş verən qəzanın aradan qaldırılması işləri ilə əlaqədar aprelin 4-ü saat 14:00-da bu ərazilərin müəyyən ünvanlarına suyun verilməsi dayandırılacaq.

Qeyd edilib ki, işlərin bu gün ərzində yekunlaşdırılacağı planlaşdırılır.