Naxçıvanda dayanacaq pavilyonlarının olmaması problemi həll olunacaq  

Naxçıvan şəhəri və muxtar respublikanın bir sıra yaşayış məntəqələrinin sakinləri bəzi ərazilərdə yolların kənarında dayanacaq pavilyonlarının olmamasından şikayətlənirlər.

Məsələ ilə bağlı Naxçıvan Şəhər İcra Hakimiyyətinin əməkdaşı Qasım Məmmədov “Report”un yerli bürosuna bildirib ki, müvafiq yerlərdə dayanacaq pavilyonlarının quraşdırılması nəzərdə tutulur. O qeyd edib ki, bəzi yerlərdə marşrut dayanacaqları quraşdırılmayıb. Buna səbəb müasir dövrün tələblərinə cavab verən yeni nəsil dayanacaqların quraşdırılmasının nəzərdə tutulmasıdır.

Q.Məmmədov qeyd edib ki, pavilyonlardakı çatışmazlıqlar da aradan qaldırılacaq. İstismar müddətini bitirmiş pavilyonlar yeniləri ilə əvəz olunacaq.