Naxçıvanda 11 ayda yük və sərnişin daşınması artıb

Bu ilin yanvar-noyabr aylarında Naxçıvan Muxtar Respublikasında nəqliyyat sektorunda 6 milyon 598 min 600 ton yük, 43 milyon 584 min 500 sərnişin daşınıb.

Bu barədə Muxtar Respublikanın Dövlət Statistika Komitəsindən "Report"un yerli bürosuna məlumat verilib.

Bildirilib ki, 2023-cü ilin müvafiq dövrü ilə müqayisədə yük daşınması 0,9 %, sərnişin daşınması isə 1,2 % artıb.

Həmçinin bu ilin yanvar-noyabr aylarında informasiya və rabitə xidmətlərinin dəyəri əvvəlki ilin müvafiq dövrü ilə müqayisədə 3 % artaraq 32 milyon 81 min 700 manat olub. Xidmətlərin 46,7 %-i mobil telefon rabitəsi sahəsində formalaşıb.