Mənzillər üçün növbəti səyyar sənəd qəbulu bu ünvanlarda keçiriləcək

İstismarına icazə verilmiş yeni çoxmənzilli binalardakı mənzillər üçün "Əmlakını qeydiyyata al və mülkiyyətinə sahib ol" kampaniyası çərçivəsində növbəti səyyar sənəd qəbulu oktyabrın 21-də Bakının Yasamal rayonunda, Abbas Mirzə Şərifzadə küçəsi, 37-39 ünvanında, oktyabrın 23-də isə Xətai rayonunun, Mehmandarov küçəsi, 70-78 ünvanında keçiriləcək.

Bu barədə “Report”a İqtisadiyyat Nazirliyindən bildirilib.

Qeyd edək ki, iyulun 24-dən bərpa olunan səyyar sənəd qəbulu prosesi çərçivəsində artıq 23 ünvanda səyyar qəbulu aparılıb. Vətəndaşların mənzillərə aid mülkiyyət hüququnu təsdiq edən sənədin (çıxarışın) hazırlanması 15 iş günü ərzində təmin edilir.