İri Şəhərlərin Birləşmiş Su Təchizatı Xidmətinin sədri vəfat edib

Azərbaycan Dövlət Su Ehtiyatları Agentliyinə məxsus İri Şəhərlərin Birləşmiş Su Təchizatı Xidmətinin sədri Köçərli Həsənov vəfat edib.

"Report" agentliyə istinadən xəbər verir ki, o, dünən gecə saatlarında Türkiyənin İstanbul şəhərində müayinə olunduğu Memorial Şişli xəstəxanasında dünyasını dəyişib.

K.Həsənov 1961-ci ildə Saatlı rayonunda anadan olub, 1987-ci ildə Azərbaycan Mühəndis və İnşaat İnstitunun "Su təchizatı və kanalizasiya inşaat mühəndisi" fakültəsini bitirib. O, uzun illər "Azərsu" ASC-nin sədr müavini işləyib, daha sonra sədr vəzifəsini müvəqqəti icra edib, ölkə Prezidentinin 2016-cı il 3 iyun tarixli sərəncamı ilə “Əməkdar Mühəndis” Fəxri adına layiq görülüb.

Allah rəhmət etsin!